العاقوري لفياض: إيد اللبنانيين بزنارك جيب الضمانات الأمنية

كتب الصحافي جورج العاقوري عبر وسائل التواصل الإجتماعي:
دكتور جمال فياض من فترة مركّز على ملفات الطاقة ع منصة X. لأن منعرفك دقيق ومش شعبوي ولا شوي، كرمال هيك بخصوص آخر موقف إلك:
*ليش عم تخلط شعبان برمضان بين الكهربا وبين السير بالتدقيق الجنائي ببواخر الطاقة وصفقات فيولها؟!! ما هيدا ما بيتعارض مع هيدك... 
*بس بلش العمل الوزير جو الصدي ع دفتر الشروط بشباط الماضي كانت التغذية بين ٧ و٩ ساعات وفق مؤسسة كهرباء لبنان. فما كتير تسرح بتحليلاتك...
*بعدان ا"لبطل يلي عم يحكي، يا ريت ما بيكون بسين عامل حاله أسد" ويحكي الحقيقة انو اولاً  إغلاق مضيق هرمز رفع اسعار النفط عالمياً وتسبب بمشاكل عدة. 
والاهم يا ريت بيحكي حقيقة انو ما حدا مستعد يستثمر لا بالكهربا ولا بغيرها ويعمل معامل - كل معمل بيكلف مليار دولار - بي بلد "حزب الله" حولو ساحة حرب إيرانية- إسرائيلية.
*كل المستثمرين عم يطالبوا بضمانات مالية وامنية، فإيد اللبنانيين بزنارك د. فياض جيب الضمانات الامنية وكل اللبنانيين رح يعتبروك أسد.