الطبش لعون: "لو كنتْ بيّي، كنتْ ترجّيتَكْ ترتاح"... و"لبنان القوي" يرد عنيفا

المركزية ـ غرّدت عضو كتلة المستقبل النائبة رولا الطبش عبر تويتر معلّقة على مواقف الرئيس ميشال عون فكتبت: "لو كنتْ بيّي، كنتْ ترجّيتَكْ ترتاح.. كرمالَكْ، وكرمال اللي بحبّوك"! 

عطتالله يرد: وتوالت لاحقا ردود اعضاء تكتل "لبنان القوي"  على تغريدة الطبش، حيث غرد النائب جورج عطالله عبر "تويتر": "‏كنت مفتكر إنو شخصية لولو وشخصية طبوش هيي مجرد شخصيات شفناها نحنا وزغار، بس وقت شفت تعليق نايبة المستقبل رولا على كلام فخامة الرئيس، إكتشفت إنو شخصية طبوش حقيقية، واكتشفت انو الطبوش طبوش لو شو ما حكي".

وارفق التغريدة بهاشتاغ: #لولو_وطبوش.

عون: وبدوره رد  النائب سليم عون على تغريدة الطبش كاتبا عبر حسابه على "تويتر" : "يا رولا مش لابقلك هالحكي، قولي ليللي كاتبلك التغريدة، مش ممكن فخامة الرئيس يكون عندو أولاد من هالبضاعة البلا أخلاق والبلا أصل. يا ريتكن ترجّيتوه يرتاح قبل ما خلّص يللي بتحبوه من جلّاديه، كنا إرتحنا منكن يا بلا وفاء."

رد على الرد: وردت الطبش على زميلها في البرلمان، وقالت: يا سليم قول لَ يللي قلّك ترد عليي، انو مضيّع بالعنوان، لأنو نحنا منوزّع اخلاق ووفا، ولو ما كنّا هيك، ما كنتوا انقرصتوا من كلامي. وَيَا ريت بدل هالوقت اللي صرفتو للرد، تروح تشوف شو بدك تعمل، لانو اللي انتو بتحبوه، آخد البلد عا جهنم".