Jun 06, 2021 3:58 PM
مقالات

"بريق تلفزيون لبنان" يعود عند فضح الفاسدين ومرتكبي المخالفات

كتب المخرج في تلفزيون لبنان باسم جابر عبر صفحته على فايسبوك: بعرف انو اهتمامات الناس، بعيدة عن هم تلفزيون لبنان بهالزمن الصعب ولكن بكل محبة بقول، متى عاد البريق لهيدي المؤسسة ولشاشتها يعني صار الوطن بخير...
وجزء من عودة البريق لهالشاشة العظيمة هو بفتح تحقيق بإرتكابات خطيرة وفساد صار داخل هالمؤسسة بيتحملهم بعض وزرا الإعلام وعلى رأسهم ملحم رياشي، اللي طلع من كم يوم ع تويتر يحدثنا عن انجازاتو الوهمية بدون خجل، وعن كذبة نقل المونديال مجاناً للشعب اللبناني. 
هيدا الوزير اللي إرتكب جرم جزائي لمّا طلب من القضاء إزاحة مدير نشيط وكفوء ومتفاني متل طلال المقدسي لتعيين حدا محلو بدون صلاحيات خلافاً لكل الأنظمة والقوانين ، مما أدّى الى تراجع تلفزيون لبنان بشكل دراماتيكي وخسارتو فرصة ما بتتكرر للنهوض والتألق....
وبدعي القضاء لوضع اليد على هيدا الملف ومراجعة كل الفترة السيئة لتواجد ملحم رياشي بوزارة الإعلام ، والتحقيق بكل المخالفات المالية والإدارية ومن ضمنا حقوق نقل المونديال بال 2018، وبشكر محطة ال LBC ، على فتح هيدا الملف، وبتحدى ملحم رياشي إثبات براءتو بالقضاء مش ع تويتر.

إخترنا لك

دوليات


صحة

آخر اﻷخبار

اﻷكثر قراءة

أغلق للمتابعة إلى الموقع الرئيسي
Beirut, Lebanon
oC
23 o